ភ្នំពេញ÷ ក្រសួងធនធានទឹកបានអោយដឹងថាថ្ងៃទី១៥ ដល់ថ្ងៃទី១៩ ខែសីហា ឆ្នាំ២០២២ ស្ថានភាពភ្លៀងនៅកម្ពុជានឹងអាចមានទូទាំងប្រទេស ដែលនឹងធ្វើឲ្យតំបន់មួយចំនួនដែលកំពុងតែរងនូវទឹកភ្លៀងហើយស្រាប់នោះ អាចបង្កទៅជាទឹកជំនន់បាន។
ខេត្តទាំងនោះរួមមាន ខេត្តកំពង់ធំ ព្រះវិហារ រតនគិរី ស្ទឹងត្រែង ក្រចេះ ត្បូងឃ្មុំ កំពង់ចាម និង ខេត្តឧត្តរមានជ័យ។
ក្រសួងបញ្ជាក់ថា ស្ថានភាពនេះបណ្ដាលមកពី ជ្រលងសម្ពាធទាបឥណ្ឌារំកិលធ្លាក់ចុះជាមួយនឹងប្រព័ន្ធសម្ពាធទាប (ITCZ ) ដែលអូសបន្លាយនៅ ភាគខាងជើងប្រទេសថៃ ឡាវ និងវៀតណាម ដោយភ្ជាប់ជាមួយនឹងសម្ពាធទាប ស្ថិតនៅក្នុងសមុទ ចិនខាងត្បូង និងរបបខ្យល់មូសុងនិរតីក្នុងកម្រិតពីមធ្យមទៅបង្គួរនៅកម្ពុជា៕